B2 優質心思All Day Breakfast

大坑好多好野食，

B2 (應該係叫B square) 嘅All Day Breakfast 係我最喜愛的All Day Breakfast 之一

很多人都認為All Day Breakfast 變化不大

黎黎去去都係差唔多嘅野， 而且都唔係高級食材

其實平凡的食材，都可以帶比人驚喜，令人回味

而B2的All Day Breakfast 就係咁樣的一個體會

精美的All Day Breakfast

一看已感覺到在陳設食物上的心機

麵包及薯餅都是直立，不會佔左個碟太多的地方

讓其他食材亦能在碟上有足夠的位置擺放

九樣食材共存亦不會有凌亂感

麵包烘香，食落有點脆脆的感覺，加上牛油及Jam，是一個美好的開始

薯餅亦很香脆，大食啲兩個都可以輕鬆解決

不得不提嘅炒雜菌，在其他餐廳嘅All Day Breakfast 亦可經常見到，但通常都是淡淡的

但B2炒得真係好好吃，有鮮味而且不油膩，我的朋友試了都話好味!

香脆油占多~

炒蛋十分香滑，如果唔想食炒蛋，可以叫太陽蛋

厚切蕃茄兩片，有用黑椒及鹽調味，感覺無咁單調

佢嘅香腸唔係一般的早餐腸或者芝士腸

佢嘅香腸入面有平時人地用黎整羊用的香草，我search 返yahoo，那香草叫茴香子

味道不會太強烈，反而食落有淡淡嘅香味

而佢地嘅煙肉煎得夠香，而且我食左兩次，佢地嘅煙肉脂肪都係比較少

佢地嘅Green Salad，用左不錯嘅陳醋調味

我唔知係唔係高級野，不過醋好香，而且酸酸甜甜好開胃

仲有一個蕃汁豆，唔鍾意的朋友可以要求唔要~

有茴香子的腸仔~

肥瘦適中的煙肉~

蕃茄用上黑椒，味道更有層次

要令人食得開心，食得回味，其實好簡單

就算無名貴的食材，只要加多少少心思

一樣可以做到出色的味道

而在B2最最最最出色的

係佢3-5點Order 食物有8折

好似係3-7 Order 飲品都有8折

簡潔的小店，優秀的食物，唔收你加1仲比個8折你

就係咁都夠我開心一日!

尖沙咀海邊casual All Day Breakfast

星期日下午，同朋友去了尖沙咀搵食

以前讀緊書時都成日fancy 那些露天餐廳
覺得很有外國渡假的感覺

但人大左開始怕熱，如果無冷氣，基本上唔會考慮

那日咁岩有D唔方便入商場，所以決定去尖東呢D露天餐廳試下

The Dog House 比我0既感覺係好casual 

個名同招牌都好得意，岩晒想relax 一下的我們

我都係例牌叫左個All Day Breakfast

佢呢到的All Day Breakfast 內的食物總類唔算多

都係大路野，共7樣野食

不過佢份糧都幾多，感覺樣樣野都大大份

一堆煙肉，兩條腸仔，都係好standard的水準

兩個香脆的薯餅加兩隻太陽蛋，
白麵包靠個大蕃茄所以企到起身，咁樣上碟都幾得意
有一個standard 的牛油同Jam
茄汁豆就在所有野食下面 (朋友叫了素Pizzaz，食肉獸可以唔洗試)
 頂住!!

近鏡下的煙肉及茄汁豆，煙肉都OK，煎得香香地

大蕃茄一個，沒有任何調味

佢個香腸個皮同個肉係唔同色，不過食落都OK，沒有甚麼驚喜

薯餅都好香脆


同場加影兩杯野飲，一杯士多啤梨，一杯芒果，不是新鮮水果整，但幾好睇的~

其實The Dog House 嘅All Day Breakfast 真係無乜特別

唔會難食，係好普通的一個All Day Breakfast

不過佢成個餐廳感覺好Casual，又唔算好貴

坐露天餐廳，最怕就係熱同埋餐廳外面有好多人行黎行去望住你食野

佢呢到可能因為地理位置嘅關係，所以無呢個問題

坐得都幾舒服~

如果唔知食咩好，又唔知去邊到Hei，呢到地方都唔錯

不過可能佢嘅其他野食會比All Day Breakfast 吸引DD

Tipping Point Soho 驚喜All Day Breakfast

星期一至五下午時間的Soho感覺都是懶洋洋的

閒逛到那邊想找個地方食野

不過好多Soho餐廳只會在限定時間供應All Day Breakfast

例如只限星期六及日供應

行左好一陣，來到 Elgin Street

見到Tipping Point門外大大隻寫寫住All Day Breakfast

餐廳有半邊個門打開，以黑紅色做主調

咁岩見到有2個人食緊野，所以就走入去試下

坐低睇左眼個Menu 就叫左個All Day Breakfast

其實佢一上菜，我個感覺就係都係一個standard 嘅All Day Breakfast

見佢個樣又唔係好特別，心諗...呢個All Day Breakfast 都應該都唔會加落個Blog 到

All Day Breakfast 開門6件事

麵包，蕃茄，蛋，腸仔，煙肉同埋焗豆

同之前The Dog House 的內容是一樣的

佢呢到個蛋係半生熟，麵包點完個蛋汁，仲有咩個熟蛋王在底

不過我估佢只係咁岩整到咁，一般都係生

而佢個牛油唔係半時的盒仔牛油

佢口感好Light 好soft，好香牛油味，如果佢有Jam 加埋一齊就prefect!

除左牛油，另一樣驚喜就係佢個焗豆

其實佢上菜時，我已經覺得佢個焗豆同平時有D唔同色

佢比較紅，平時的都是偏橙色

而佢食落去，好香茄汁味，

我平時唔太鐘意焗豆，因為覺得佢太甜

呢個焗豆真係好唔同，有好鮮明嘅味道

我再問一問佢地個Staff，佢話佢地會自己再煮過啲焗豆

唔怪得唔同味~~

蕃茄用左香草調味

至於煙肉及腸仔都係standard 水準

叫多左杯Cappuccino

我唔知佢算唔算好飲，因為我平時唔飲咖啡

但飲落都幾滑，又幾香 : P

一般Soho 餐廳Lunch 過後都無人

而呢間餐廳本身地方都好寬落

所以坐得都幾舒服

店員都好好，我同佢講電話無電，

佢都即刻同我攞到Bar 枱差電

佢嘅All Day Breakfast 雖然無咩特別食材

又唔係好多野食，不過焗真係整得幾好味

下次可以試埋佢其他野

話唔埋仲有其他Surprise!

青衣城小清新All Day Breakfast

在青衣內應該比較少見到All Day Breakfast

那日在青衣成城遊走

見到Pizza Stage 內有All Day Breakfast 

One All Day Breakfast Please!

All Day Beakfast 以橢圓形碟送上，整整齊齊的一大碟

近鏡~ 食物上都有一層金黃色，煎香的效果得不錯，再加上點點香草，賣相清新簡潔!

呢個All Day Breakfast 有炒蘑菇，淡淡的蘑菇香味，配上香煎的煙肉及香腸，味道不會太濃，加上金黃的色澤令整個All Day Breakfast 更吸引!

原隻去頂及去底處理的蕃茄，保留了蕃茄原身的多汁美味~

薯餅及香草面包就是All Day Breakfast 中不可缺少的組合!面包鬆軟，有濃濃的意式香草味，與整個早餐的味道很配合! 薯餅亦是十分香脆!

再來一杯清新的凍檸茶~

Pizza Stage 的All Day Breakfast 的特別之處是它有一種淡淡的味道，不會很濃味，這樣可更品嚐到食物的原味。而且份量亦不會過多，一片薯餅加上小許的香草包，對女士來說十分足夠!食材不會密密地埋在碟子上，看上去更精緻。加上餐廳環境很開揚，有柔和的日光，再加上很多綠色的植物，令餐廳充滿活力~ 如果不愛濃味的朋友，這個All Day Breakfast 正是你要找的美食。

 

Brick Lane 的豐富英式All Day Breakfast

Brick Lane 應該是許多香港人心目中熱門推介的All Day Breakfast之一

上網search 一下不難看到他的推介

因此特登找了一個空閒的下午

來到金鐘中信大廈的Brick Lane

好好享受期待中的All Day Breakfast 

Brick Lane 的英式All Day Breakfast 有3個不同的選擇

我選了一個最豪華的，省卻了比較的時間~~

上菜時，一大碟滿滿的真的很豐富，一共13樣不同的食物

雖然都很明白這樣多的食物，已堆得湖滿滿一碟，而且有的食物一層疊著一層

但我仍期待有點更精美的陳設

我特別鐘意食炒蛋，嫩嫩的炒蛋上碟時仍有蛋汁，吃下去十分軟滑。我個人覺得這是整個All Day Breakfast 中最好的部份。

麵包一小片，十分鬆軟，亦很有咬口，很不錯

至於薯餅，這是一個很難整得難食的食物，但這裡的薯餅不知為何會有點"韌" 

我食了小小就無再食。

這個All Day Breakfast 的亮點應該就是圖中的Yorkshire Pudding 及 Black Pudding

Yorkshire Pudding 在剛出是極之美味，鬆化的口感充滿了牛油的香味，如果多一點牛油，烤得再久一點，更會有鬆脆的外皮

而我相信，這裡的Yorkshire Pudding 是預先整好的(睇怕都唔會為你一個餐而花時間去整一個新鮮的Pudding) 因此上面所講到的味道都是沒有的，而它吃起來就似一個無糖的"沙翁"

至於Black Pudding，即是血腸，睇落好似中國的潤腸，但食落其實淡淡地，無香腸咁濃味，

而佢呢到個Black Pudding 比較鬆散，所以更易入口，如果怕怕地佢個樣，又想試試係咩感覺，Brick Lane 的Black Pudding 絕對是入門版。 

另外仲有一兜仔芝士，以薄片型式上，更能食到芝士的香味。

香腸同煙肉都係standard，如果煎香多少少會好味D(特別是煙肉，好似白左D)

在煙肉下有一隻Portobelle。我在外國時成日食的Portobello，呢隻菇本身有好重的木香味，而且唔洗加調味，佢本身都好甜。呢到以香煎手法黎煮Portrobello，反而特\突出唔到隻菇本身的味道。但同香腸煙肉都夾，大家都係油油地。

那一日去，岩岩見到有人在試菜，其實佢地應該都算幾認真

可惜嘅係，呢個All Day Breakfast 無期待中的咁好食

佢地都未能發揮食材的優勢。

如果未試過Yorkshire Pudding 同 Black Pudding 的可以一試

至於我，應該短期內唔會再去住了。

提外話，Yorkshire Pudding 令我想起一個食譜，

我整過好多次，非常容易又好食

有機會介紹比大家~  

Flying Pan 開心 All day Breakfast

我對All Day Breakfast 是有特別的情意結

一來是因為喜歡一大碟包羅萬有

二來是因為總覺得All Day Breakfast 有很豐富的色彩，

第一眼看見時總會讓人情不自禁WOW一聲...

講到All Day Breakfast， 應該大多數人都會想到 Flying Pan

成間餐廳只做All Day Breakfast， 24小時non-stop 供應， Menu 選擇多到令人唔知點揀

專心只做一件事，就會有不一樣的結果

我都食左佢好多年，好多野都試過，但每次都係覺得咁新鮮

下面呢個叫 Three Little Pigs---Ham，bacon 同 sausages 整成的巨形 Omelette

Side dishes 我揀左煎蕃茄及水果，個麵包我加左12蚊要個Bagel 

在Flying Pan，我最鐘意就係食呢個Bagel，

Bagel 在香港愈來愈常見，平時在Cafe，Coffee Shop 都好易買到，

但在Flying Pan 的Bagel，佢唔係就咁焗返熱個包比你，

佢係用牛油同佢煎香左先上碟

所以食落又香又脆，加埋Jam 一齊食，香香甜甜嘅滋味令人想再咬多幾啖!

 主角係三隻小豬巨形Omelette

如果有細心睇過Flying Plan 嘅Menu，都會發現佢好多野都唔會係以"肉"為主

通常都係一個肉，加芝士同埋其他蔬菜

呢個就係少數全肉的選擇

食肉獸可以試試

Flying Pan 的Omlette 都係全熟的，所以不要期望係日式Omelette...仲要有少少流心

但係佢用材係好足，細食嘅人好大機會食唔晒

Side Dishes 有好多野揀，我今次揀左兩個大路野

生果同蕃茄

生果我感覺佢可能有落少少糖 or 糖水

(或者係來自D罐頭菠蘿)

食落比平時的生果甜

蕃茄煎香左，無香草，應該都無特別調味

我今次係去灣仔鋪食，星期日, 12點左右，Full 晒要等位 

不過佢地都好好，好快就有位坐

呢個早餐埋單$86+$12 再加1

其實好多人都話Flying Pan 麻麻地，

不過我又覺得都OK 

當然，在Flying Pan 中，有D野我都一定唔會再點

一間餐廳，有D野好味D，有D野平凡D，都係好正常

但不得不提，中環同灣仔鋪係有分別，

1)中環係無收加1

2)灣仔上菜速度比中環快(都快幾多)

Happy dining!